پېنډۍ ۔7مئی (اے پی پی) د پاک پوځ سرلښکر جنرال عاصم منېر د ترهګرۍ او انتها خوښۍ ګډو چېلنجونو په موثره توګه مقابلې لپاره د پاكستان او افغانستان ترمينځه د همكارۍ زياتولو په حاجت زور راوړے دے۔ د اتوار په ورځ د آئي اېس پي آر لخوا د جاري شوي بيان له مخې د پاك پوځ سرلښكر سيد عاصم منېر سره د افغانستان خارجه وزير امير خان متقي د ده په دفتر كښې ملاقات وكړو۔ د پاك پوځ سرلښکر او د افغانستان خارجه وزیر د ملاقات په مهال د شريكې خوښې په چارو د خيالاتو څرګندونه وكړه په كومو كښې چې په سیمه ایز امنیت، بارډر منېجمنټ او په روانه امنيتي وضعه كښې بهترۍ لپاره د دوه اړخيزه امنيتي تګلارې د باقاعده جوړولو په اړخونو خبرې وشوې۔ دوئي د شريكې خوښې په چارو كښې د افغان عبوري حكومت لخوا د بشپړه ملاتړ او عزم په حاجت زور راوړو۔ خارجه وزير امير خان متقي د افغانستان اولس لپاره د پاكستان د روايتي ملاتړ او د هغه مهم كردار ستائنه وكړه كوم چې پاكستان په افغانستان كښې امن او پرمختګ كښې سهولت كارۍ لپاره ادا كوي۔ خارجه وزير سيمه ايز استحكام او سوكالۍ ته وده وركولو له پاكستان سره په ګډه كار كولو كښې خوښي هم ښكاره كړه۔ دواړو خواو دوه اړخيزه اړيكې پياوړې كولو او د ګډې اندېښنې مسئلې حل كولو له رابطو ته د دوام وركولو په اهميت موافقه وكړه۔ د پاك پوځ سرلښكر يو مستحكم ٬ سوليز او سوكاله افغانستان لپاره د پاكستان د عزم پخلے وكړو۔
