شرم الشېخ 07 نومبر (اے پي پي) وزيراعظم شهباز شريف سره د اروپائي ائتلاف صدر چارلس مائيکل ليدلي دي ٬ چارلس مائيكل پاكستان كښې د سېلاب له امله په شوي قيمتي ځاني او مالي زيان د افسوس څرګندونه وكړه۔ د وزيراعظم آفس ميډيا ونګ لخوا د جاري بيان له مخې وزيراعظم د سېلاب ځپلو مرستې لپاره د ائتلاف د احساس او مرستې ستائنه وكړه٬ دواړو مشرانو په دې خبره اتفاق وكړه چې د موسمياتي بدلون تباه كن اثرات د ټولو هېوادونو د اتحاد متقاضي دي۔ وزيراعظم ووئيل د ترهګرۍ په ضد جنګ غوندې د موسمياتي بدلون په ضد نړيوال اتحاد ته اړتيا ده، د فېټف ګرے لسټ څخه د پاکستان په ويستلو كښې د اروپائي ائتلاف د مرستې ستائنه كوٶ، ده ووئېل پاکستان او د اروپائي ائتلاف ګڼ آړخيزه مرستې ته وده وركولو غواړي، اروپائي ائتلاف او د پاكستان شراكتداري او دوه اړخيزه مرسته په ماضي كښې د مشتركه مفاداتو لپاره مهمه ذريعه وه۔ وزيراعظم ووئيل د ماضي اعتماد او مرستې ته د لا پراختيا وركولو خواهشمند او منتظر يو، د موسمياتي بدلون د اثرات مقابله كولو لپاره د اروپائي ائتلاف هڅې د قدر وړ دي٬ دغسې دواړه مشران د شريكې خوښې په چارو نزدې رابطه ساتلو ته صلاح شول
