اسلام آباد 03 فروري (اے پي پي) پاكستان وئيلي دي چې د پاكستان او بېلا روس دوه اړخيزه اړيكې د شريك اعتماد٬ احترام او مرستې په قوي بنيادونو جوړې دي٬ د دواړو هېوادونو ترمېنځه په بېلا بېلو څانګو كښې مرسته مخ په زياتېدو ده۔ د خارجه دفتر له مخې د اتوار په ورځ د پاكستان او بېلا روس ترمېنځه د سفارتي اړيكو 25مه سالګره ولمانځل شوه۔ په دې لړ كښې د دواړو هېوادونو مشرانو د مباركي پېغامونه شريك كړل۔پاكستان وئيلي دي چې د تېرو 25 كلونو په مهال د دواړو هېوادونو ترمېنځه په اړيكو كښې مهم پرمختګ شوے۔ د دواړو هېوادونو ترمېنځه په بېلا بېلو څانګو كښې مرسته مخ په زياتېدو ده۔
