اسلام آباد 05 جنوري (اے پي پي) د كشمير او ګلګت بلتستان چارو وفاقي وزير علي امين خان ګنډا پور وئيلي دي چې د كشمير سټېټ پراپرټې ټولې وسيلې او اثاثې امانت دي چې غوره استعمال سره ئې په امدن كښې ښه اضافه كېدے شي۔ ده دا خبرې په اسلام آباد كښې د كشمير سېټېټ پراپرټي ډيپارټمنټ د غونډې مشري كولو په مهال وكړې۔ په غونډه كښې د د كشمير او ګلګت بلتستان چارو د وزارت سېكتر طارق محمود پاشا٬ د كشمير او ګلګت بلتستان چارو د وزارت جوائنټ سېكتر او د كشمير سټېټ پراپرټي چارواكو ګډون وكړو۔ وفاقي وزير ووئيل چې كشمير سټېټ پراپرټي د اربونو روپو كمرشل٬ د استوګنې او زرعي اثاثې لري او د دې ښه امدن ترلاسه كېدے شي خو افسوس چې د تېر وخت حكومتونو په وخت كښې د دې اثاثو حفاظت او انتظام ته پام نه دے شوے او د زياتره پراپرټې نه ډېر محدود امدن ترلاسه كېږي۔ د غونډې په مهال وفاقي وزير د اړوند چارو نه خبر كړے شو۔
