اسلام آباد 06 ستمبر (اے پي پي) د اطلاعات او خپرونو وفاقي وزير چوهدري فواد حسېن وئېلي دي د ستمبر 6مه نېټھ د دې عزم د پخلي ورځ ده چې قام به د كال 1965م د جنګ د ولولې او جذبې سره يو موټے اوسي او د همغږۍ څرګندولو سره به پاكستان ناقابل تسخير رياست جوړوي٬د شهيدانو په وېنه بله شوې شمعه د دې خبرې واضح اعلان دے چې قام په هر صورت د خوږ وطن دفاع لپاره هر ډول قربانۍ وركولو ته تيار دے۔د زيارت په ورځ په خپل بيان كښې وفاقي وزير فواد چوهدري ووئيل دا ورځ د خوږ وطن د نظريې او د جعرافيائي تحفظ لپاره وسله والو ځواكونو او د پاكستان اولس سره د يو والي د څرګندونې ورځ ده۔ وفاقې وزير ووئيل د ستمبر شپږمه نېټھ د هېواد دښمنانو ته وريادوي چې د پاكستان وسله وال ځواكونه او اولس يو موټې دې او د هېواد دفاع پرمختګ عزت او يو والي لپاره به تل يو موټې وي۔د اطلاعات وزير ووئيل نن د شهيدانو او غازيانو ورځ ده د كومو په وېنه چې د آزادۍ او سلامتيا لمر راختلې او قام نوې اعتماد ترلاسه كړی٬قام پھ شهيدانو وياړ لري كومو چې د خپل ځان نه زيات لوې دښمن ته ماتې وركړې او د خپل وطن د دفاع يې نوې تاريخ رقم كړی۔د اطلاعات وزير ووئيل د ستمبر په 6مه نېټھ مونږ خپلو وګړو٬هنرمندانو٬اديبانو او د ژوند مختلفو طبقو سره تعلق لرونكو شخصياتو ته هم سلام كوو كومو چې ثابته كړی چې مونږ يو قام يو۔ده ووئيل نړۍ لپاره د نن ورځې دا پیغام دې چې د كشمير مسئلې حل نه بغېر په سوئېلي آسيا كښې پوخ امن راتلې نشي
