اسلام آباد – 04 – مئي (اي پي پي) وزيراعظم محمد شهباز شريف چيو آهي ته پاڪستان خطي ۾ امن ۽ استحڪام جي لاءِ گڏيل قدرن کي اڳتي وڌائڻ جي لاءِ پنهنجو ڪردار ادا ڪرڻ جي لاءِ پرعزم آهي. پنهنجي ٽوئيٽ ۾ وزيراعظم چيو ته پاڪستان جو ڀارت ۾ شنگهائي تعاون تنظيم جي پرڏيهي وزيرن واري ڪائونسل جي اجلاس ۾ شرڪت جو فيصلو تنظيم جي چارٽر بابت اسان جي عزم جي عڪاسي آهي. وزيراعظم چيو ته خطي ۾ امن ۽ استحڪام جي لاءِ گڏيل قدرن کي اڳتي وڌائڻ جي لاءِ پنهنجو ڪردار ادا ڪرڻ جي لاءِ پرعزم آهيون. رابطو، واپار ۽ گڏيل تعاون سڀني جي مفاد ۾ آهي.
