اسلام آباد – 03 – فيبروري (اي پي پي) وزيراعظم محمد شهباز شريف ڪوهاٽ ٽنل ويجهو حادثي ۾ 17 ماڻهن جي مارجڻ تي گهري ڏک ۽ افسوس جو اظهار ڪيو آهي. وزيراعظم آفيس جي پريس ونگ پاران جاري بيان موجب وزيراعظم واقعي ۾ مارجي ويلن جي لاءِ دعا ۽ سوڳوارن جي لاءِ صبر جميل جي دعا ڪئي. وزيراعظم زخمين جي صحتيابي جي دعا ڪئي آهي. وزيراعظم مستقبل ۾ اهڙن واقعن کي روڪڻ جي لاءِ لاڳاپيل عملدارن کي ضروري قدمن جي هدايت ڪئي آهي.
