بهاولپور – 01 – فيبروري (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته مريم نواز اڄ محمد نواز شريف ۽ شهباز شريف جا پيغام عوام تائين پهچائڻ آئي آهي. هو بهاولپور تنظيمي ڪنوينشن کي خطاب ڪري رهي هئي. وفاقي وزير مريم اورنگزيب چيو ته مريم نواز جي تازو ئي سرجري ٿي آهي، اڄ جو اجلاس تنظيمي آهي، سمورين تنظيمن جي عهديدارن جي تنظيمي ڪارڊ سان داخلا ٿي آهي ڇو ته هي اجلاس تمام اهميت رکندڙ آهي. هن چيو ته جهڙي طرح اڄ مريم نواز جو استقبال ڪيو ويو اهو ساراهه جوڳو آهي. هن چيو ته مريم نواز وڏي آواز ۾ ڳالهه نٿي ڪري سگهي، ڊاڪٽرن کيس آرام جو مشورو ڏنو هو پر هو ٻاهر نڪتي آهي ۽ اڄ اسان جي وچ ۾ موجود آهي. هن چيو ته مريم نواز اڄ محمد نواز شريف ۽ شهباز شريف جا پيغام عوام تائين پهچائڻ آئي آهي.
