اسلام آباد 25 نومبر (اے پي پي) خارجه وزير بلاول بھټو زرداري ماحول ته د زيان رسولو اېندهن د استعمال خاتمې لپاره د اتفاق په ضرورت زور رواړلو سره وئيلي دي کوپ-27 كښې د موسمياتي بدلون پحقله مهمه لوظنامه او ”ډيميج اېنډ لاس” فنډ جوړول لويه كاميابي ده، د موسمياتي بدلون مخنيوي لپاره دې کلائيمنټ بېنك جوړ كړے شي دغسې چې پرمختګ كوٶنكو هېوادونو ته په مناسب شرح پور وركړے شي٬ پاکستان كښې اوسني سېلاب څخه په لويه كچه تباهي شوې٬ موسمياتي بدلون نه يوازې پرمختګ كوٶنكي هېوادونه بلكې پرمختللي هېوادونه به هم متاثره كړي٬ د دې خيالاتو څرګندونه ده غېر ملكي خپرونې ادارې سره په مركه كښې وكړه ۔ خارجه وزير ووئيل په كوپ -27 كښې د موسمياتي بدلون پحقله مهمه لوظنامه د يو هېواد نه بلكې د ګردې نړۍ كاميابي ده، لوظنامه د ھغه خلقو ګټه ده كوم چې د موسمياتي بدلون تباهو څخه متاثره شوي٬ د مالي مرستې پحقله به كتل وي چې د نړيوال مالياتي نظام طريقه كار به څه وي او زيات ځپلو هېوادونو ته به د دې نه څنګه زياته ګټه ورسي۔ خارجه وزير ووئيل د مالي مرستې معامله د كوپ تر راتلونكې غونډې د بشپړېدو امكان دے چې كوربتوب به ئې يو اے اي كوي۔ ده ووئيل د “جي 77 پلس چېن” غړو كښې يو شمېر هېوادونه د ماضي د لوظونو په عدم تكميل پرېشانه دي، هم دا سبب دے چې د لوظنامې تحرير په دې لړ كښې مهم دے كوم چې هېوادونه د خپلو لوظونه د پالنې پابند كوي۔ بلاول بھټو زرداري ووئيل د ”جي 77 پلس چين” د موجوده چيئرمېن په توګه پاكستان دا غواړي چې د لوظنامې په نكات عملدرامد وكړے شي۔ خارجه وزير ووئيل د موسمياتي بدلون څخه د شوو زيانونو ازالې لپاره ”ډيميج اينډ لاس” فنډ جوړ كړے شوے او مالياتي مرسته كولو لپاره اتنظامات شوي٬ په ټاكلي وخت كښې به دې سره اړوند هدفونه ترسره كولو لپاره كار كول وي۔ خارجه وزير ووئيل پاکستان جي 77 او متحده عرب امارات خپلو شراكتدارو سره په ګډه كار كولو له خوښي لري٬ ده ووئېل يو بل د ګوتو نيولو په ځائ اجتماعي بقاء لپاره مشتركه هلو ځلو ته به پام ګرځول وي۔ ده ووئيل پاکستان كښې د سېلاب له امله په وړومبي ځل تباهي نه ده شوې٬ د دې نه وړاندې هم د سختې ګرمې چپې او سېلابونه راغلي، كه آئي اېم اېف او نړيوال بېنك سره رجوع كېدې شي نو يو ”کلائيميټ بېنك” هم پكار دے چرته چې د ځپليو هېوادونه رسنه كېدې شي او په مناسب شرح پور وركړے شي۔ خارجه وزير ووئيل مونږ له خپل اولس بيا پخپلو پښو اودرول دي۔
