پېښور 17 اپریل (اے پي پي) د خېبر پښتونخوا ګورنر اقبال ظفر جهګړا په مشرې كښې د نهې په ورځ د پېښور په ګورنر هاؤس كښې د عبدالولي خان پوهنتون مردان د سېنېټ غونډه وشوه۔ په غونډه كښې د تعليم صوبائي وزير مشتاق احمد غني٬ د لوړو زده كړو كميسون سېكتر ٬ د پوهنتون وائس چانسلر٬ د سېنېټ غړو٬ د ګورنر پرنسپل سېكتر او نورو اړوند چارواكو ګډون وكړو۔ په غونډه كښې د پوهنتون وائس چانسلر د پوهنتون د كاركردګې په اړه بريفنګ وركړو۔ په غونډه كښې د پوهنتون د كال 18-2017م او د كال 2019- 2018 د بجټ منظوري وركړې شوه۔ ګورنر د پوهنتون انتظاميې ته هدايت وكړو چې هغه دې د پوهنتون خساره كمه كړي او د خپلو وسيلو زياتولو لپاره دې اقدامات وكړي۔
