اسلام آباد 21 اپرېل (اے پي پي) خارجه وزير خواجه محمد آصف به ﴿نن﴾ د اتوار په ورځ بيجنګ ته ځي٬ خارجه وزير به د شنګهائي همكارې تنظيم ﴿اېس سي او﴾ د خارجه وزيرانو په غونډه كښې د ګډون كولو نه علاوه د چين خارجه وزير سره ملاقات هم كوي چې پكښې به په دوه اړخيزه چارو خبرې كولې شي۔ په غونډه كښې به د تنظيم د غړو هېوادونو ترمېنځه د شريكې مرستې په وده خبرې كولې شي۔ په غونډه كښې به په مهمو سيمه ايزو او نړيوالو چارو هم خبرې كېږي۔ خارجه وزير خواجه محمد آصف به د هند خارجه وزيرې سشما سوراج پشمول د قزاخستان٬ كرغزستان٬ روسيې٬ تاجكستان٬ ازبكستان٬ د اېس سي او عمومي سېكتر او د اېګزېكټو كمېټې ډائرېكټر سره يو ځائ په كنفرنس كښې ګډون كوي۔ د اېس سي او بنيادي مقصد په منطقه كښې د امن او استحكام بهتري٬ د غړو هېوادونو پشمول د منطقې د هېوادونو پرمختګ او خوشحالي ده۔
