لاہور۔16ستمبر(اے پی پی)نگران وزیراعلی پنجاب محسن نقوی شہریاں کوں عالمی معیار دیاں تفریحی سہولتاں ݙیوݨ کیتے لاہور چڑیا گھر اتے سفاری پارک دی اپ گریڈیشن دی منظوری ݙے ݙتی اے۔ اے منطوری لاہور اچ نگران وزیر اعلیٰ پنجاب محسن نقوی دی اڳواݨی اچ تھیوݨ آلے اجلاس اچ ݙتی ڳئی۔ اجلاس اچ لاہورچڑیاگھر اتے سفاری پارک دے اپ گریڈیشن پلان تے تفصیلی بریفنگ ݙتی ڳئی جو لاہورچڑیاگھر اتے سفاری پارک دی توسیع کیتی ویسی، نویں اقسام دے پرندے اتے جانور رکھیے ویسن، ایکوریم اچ 142 قسم دیاں سمندری حیات ڳھن آیاں ویسن، عالمی معیار دے پنجرے لائے ویس ڄݙاں جو سفاری پارک اچ افریقن زون، ڈیزرٹ اتے سالٹ رینج ٻݨائے ویسن تے نائٹ سفاری وی شروع کیتی ویسی، شہری سفاری پارک اچ خصوصی ہٹس اچ رہ وی سڳسن۔ نگران وزیراعلی لاہورچڑیاگھر اتے سفاری پارک اچ ای ٹکٹنگ نظام ݙیوݨ دی وی ہدایت کیتی۔
