اسلام آباد۔6اگست (اے پی پی) صدرمملکت آصف علی زرداری آکھیا جو پاکستان اتے عمان وچال برادرانہ تعلقات سانجھے مذہب، ثقافت اتے اقدار تے مبنی ہن، آپسی اقتصادی تے تجارتی تعلقات کوں ٻیا ودھاوݨ دی لوڑھ اے، آئی ٹی، تعمیرات، صحت، فوڈ سکیورٹی اتے توانائی دے شعبیاں اچ سرمایہ کاری دے وݙے سارے امکانات موجود ہن۔ بدھ کوں ایوان صدر دے پریس ونگ ولوں جاری بیان موجب اے ڳالھیں انہاں صدرمملکت آصف علی زرداری عمان دے سفیر فہد سلیمان خلف الخاروصی نال گالھ مہاڑ کریندیں ہوئیں کیتی جنہاں صدرمملکت نال ایوان صدر اچ ملاقات کیتی۔ ملاقات اچ ݙوہائیں ملکاں دے تاریخی اتے برادرانہ تعلقات کوں ٻیا ودھاوݨ دے عزم دے نال نال تجارت، سرمایہ کاری اتے توانائی دے شعبیاں اچ آپسی تعاون دے ودھارے تے تفصیلی گالھ مہاڑ تھئی۔ ایں موقع تے صدرمملکت آکھیا جو پاکستان اتے عمان وچال برادرانہ تعلقات سانجھے مذہب، ثقافت اتے اقدار تے مبنی ہن، ݙو پاسہ اقتصادی تے تجارتی تعلقات کوں ٻیا ودھاوݨ دی لوڑھ اے۔ انہاں آکھیا جو “آئی ٹی، تعمیرات، صحت، فوڈ سکیورٹی اتے توانائی دے شعبیاں اچ سرمایہ کاری ودھاوݨ دے وݙے سارے امکانات موجود ہن، حکومتی اتے نجی شعبے دے نیڑے دے رابطیاں نال معاشی اتے تجارتی تعاون اچ ودھارا تھیسی۔ صدرِ مملکت پاکستان دی سلامتی کونسل دی غیر مستقل رکنیت کیتے عمان دی حمایت تے شکریہ دا اظہار کیتے۔
.jpg)
.jpg)
