لاہور۔ 26 اپریل (اے پی پی) صدر مملکت ڈاکٹر عارف علوی آکھیے جو سارے مذاہب امن دا سنیہاڈیندن،جگ اچ اٹھدی بدامنی دا مذہب نال کوئی تعلق کائنی، نویں پاکستان اچ ہر مذہب کیتے امن و آشتی دا سنیہا اے،ساڈے معاشرے اچ سوشل میڈیا پاروں غیبت ودھ گئی اے جیندا اسلام بہوں ہٹکیندے۔ اے گالھ صدر مملکت ڈاکٹر عارف علوی قومی بین المذاہب امن کانفرنس نال خطاب کریندے آکھی۔ انہاں آکھیا جو امن کیتے حکومت دی ذمہ داری دے ہوونڑ دے باوجود علماءاتے مذہبی قائدین کوں وی امن،بھرا بھرپی سانگے اپنڑا کردار ادا کرنڑا چاہیدے،کیوں جو پاکستان او جاہ اے جتھاں ہر کہیں کوں ہکو سویں حقوق ملدن۔صدر مملکت آکھیے جو اے چنگی گالھ اے کہ موجودہ حالات اچ بین المذاہب ہم آہنگی دے ودھارے دیاں کوششاں جاری ہین،مذہب صرف امن دا سنیہا ڈیندن بھل او انسان ہی اے جیہڑا مذہب کوں اپنڑے مذموم مقاصد کیتے استعمال کریندے اتے بہانے بہانے بئے انساناں کوںنقصان پچیندے۔انہاں آکھیے جو بھارت ولون مذہبی منافرت دے کھیڈ تے ساکوںبہوں تشویش اے،اے او بھاءاے جیہڑی سوکھیں نئیں بجھدی،بھارت تاریخ توں کجھ نئیں سکھیا،فخر اے جو وزیر اعظم عمران خان بھارت کوں سکھائے جوپاکستان اچ اقلیتاں کیون راہندن،پاکستان اچ کہیں قسم دی مذہبی منافرت برداشت نہ کیتی ویسی۔
