اسلام آباد۔24فروری (اے پی پی) پاکستان اتے ازبکستان دے بین الحکومتی کمیشن برائے تجارت ، معیشت و سائنسی تعاون دا اٹھواں اجلاس جمعہ کوں ازبکستان دے دارالحکومت تاشقند اچ شروع تھی ڳے۔ وفاقی وزیرخزانہ تے محصولات سینیٹر محمد اسحاق ڈار اجلاس دےشریک چیئرمین ہن اتے او پاکستانی وفد دی قیادت کریندے پن۔ بین الحکومتی کمیشن دے اجلاس اچ پاکستان اتے ازبکستان وچال تجارت ، سرمایہ کاری ، معیشت اتے سائنسی تے تکنیکی تعاون دے شعبیاں اچ تعلقات کوں ودھاوݨ دے طریقیاں دا جائزہ ڳھدا ویسی۔ ایندے علاوہ ݙوہیں ملکاں وچال تجارتی حجم اچ ودھارے تے وی غور تھسیی۔ وزیرخزانہ گزریل رات ازبکستان دے صدرشوکت مرزائیوف نال وی ملاقات کیتی۔ وزیر خزانہ ملاقات دا موقع ملݨ تے ازبکستان دے صدردا شکریہ ادا کیتا اتے وزیر اعظم شہباز شریف ولوں نیک خواہشات دا سنیھا پڄایا۔
.jpg)
