راولپنڈی۔31جنوری(اے پی پی)پاک فوج دے شعبہ تعلقات عامہ آکھیے جو سکیورٹی فورسز دیاں مختلف کارروائیاں اچ 10 خوارج کوں ہلاک کر ݙتا ڳئے۔ سکیورٹی فورسز کارروائیاں خیبرپختونخوا اچ کیتن۔ سیکورٹی فورسز ڈیرہ اسماعیل خان دے علاقے کلاچی اچ انٹیلی جنس بنیاد تے آپریشن کیتے۔ پاک فوج دے شعبہ تعلقات عامہ دے مطابق ڈی آئی خان اچ آپریشن دے دوران 4 خوارج کوں جہنم واصل کر ݙتا ڳئے۔ سکیورٹی فورسز شمالی وزیرستان اچ 4 مختلف کارروائیاں کیتن۔ دتہ خیل، حسن خیل، غلام خان اتے میر علی اچ سکیورٹی فورسز اتے خوارج وچال فائرنگ دا تبادلہ تھئے جیندے اچ 6 خوارج ماریے گئن۔ پاک فوج دے شعبہ تعلقات عامہ دے مطابق پاکستان دی سکیورٹی فورسز ملک توں دہشت گردی دی لعنت مکاوݨ کیتے پُرعزم ہین۔
.jpg)