اسلام آباد ۔12 اپریل(اے پی پی) مشیر خارجہ سرتاج عزیز آکھیا ہے جو پاکستان دفتر خارجہ خواتین ایسوسی ایشن ہک غیر منافع بخش ‘ غیر سیاسی ‘ سماجی خیراتی ادارہ ہے جیں دا مقصد سماجی اتے فلاحی کماں اچ چنگے انداز اچ کردار ادا کرنڑ تے خیراتی مقاصد سانگے فنڈز جمع کرنڑ ہے ۔ بدھ کوں ایوان بالا اچ سوالاں دے وقفے دے دوران سینیٹر کلثوم پروین اتے بئے ارکاناں دے سوال دے جواب اچ مشیر خارجہ سرتاج عزیز آکھیا جو اے ایسوسی ایشن وزارت خارجہ اچ گریڈ ہک توں 15تئیں دے مستحق ملازماں دی فلاح بہبود سانگے کم کریندی پئی ہے ایندا مقصد پاکستان دی سماجی ،اقتصادی تے ثقافتی زندگی کوں چنگاں سمجھنڑ سانگے اقدامات کرنڑاں ہے ۔انہاں ۔انہاں ڈسایا جو پاکستان دے درست تشخص کوں نشابر کرنڑ سانگے ملک تے باہرلے ملک عوامی سفارت کاری کوں وی ودھار ا ڈیندی ہے ۔پاکستانی سفارتکار باہرلے ملک میزبان ملکاں ولوں منعقدہ تقریبات اچ شرکت کریندے ہن جیں دا مقصد خیراتی تنظیماں دی مدد کرنڑ ہوندا ہے۔
