اسلام آباد۔ 22 جون (اے پی پی) وزیراعظم محمد شہباز شریف ایران دے صدر مسعود پیزشکیان کوں ٹیلی فون کر تے امریکا ولوں ایران تے حملے دی مذمت کریندے آکھیے جو امریکی حملے آئی اے ای اے دے قانون اَتے ݙوجھے بین الاقوامی قوانین دی سنگین خلاف ورزی ہن۔وزیراعظم دفتر دے میڈیا ونگ توں جاری پریس ریلیز موجب وزیراعظم ایران دے صدر کوں ٹیلی فون کیتا اَتے پاکستان دی طرفوں امریکی حملیں دی مذمت کیتی جیڑھے گزریل اٹھ ݙینھاں دے دوران اسرائیل دی بلا اشتعال اَتے بلا جواز ج??رح??ت دے بعد تھئن۔ انہاں بھرا ایرانی عوام اَتے حکومت دے نال پاکستان دی غیر متزلزل یکجہتی دا اعادہ کریندے قیمتی جاناں دے ضیان تے دلی تعزیت دا اظہار کیتا اَتے زخمیاں دی وختی صحت یابی دی دعا کیتی۔وزیراعظم تحفظات دا اظہار کیتا جو امریکی حملیں اچ انہاں تنصیبات کوں نشانہ بݨایا ڳیا جیڑھا بین الاقوامی ایٹمی توانائی ایجنسی (آئی اے ای اے) دی نگرانی اچ ہن۔ اے حملے آئی اے ای اے دے قانون اَتے ݙوجھے بین الاقوامی قوانین دی سنگین خلاف ورزی ہن۔ اقوام متحدہ دے چارٹر دے آرٹیکل 51 دے تحت ایران دے حق دفاع دا ذکر کریندے ہوئیں، وزیراعظم امن کیتے وختی مذاکرات اَتے سفارت کاری دی لوڑھ تے زور ݙتا جو اڳوں ودھݨ دا واحد قابل عمل رستہ اے۔ وزیراعظم کشیدگی کوں گھٹ کرݨ کیتے وختی اجتماعی کوششاں تے وی زور ݙتا اَتے ایں تناظر اچ پاکستان دے تعمیری کردار ادا کرݨ دے عزم دا اعادہ کیتا۔صدر پیزشکیان ایران کیتے پاکستان دی حمایت دی تعریف کیتی ۔ انہاں ایران دے عوام اَتے حکومت دے نال اظہار یکجہتی کرݨ تے وزیراعظم، حکومت اَتے پاکستان دے عوام بشمول عسکری قیادت دا دلوں شکریہ ادا کیتا۔ ݙوہیں رہنماواں ایں نازک موڑ تے امت وچال اتحاد قائم کرݨ دی لوڑھ تے زور ݙتا۔ ݙوہیں رہنماواں نیڑے رابطے اچ رہݨ تے اتفاق کیتا۔
.jpg)
