اسلام آباد۔10اپریل(اے پی پی) وزیرِاعظم محمد شہباز شریف برآمدات ودھا تے ملکی آمدݨ اچ ودھارے کوں حکومتی ترجیح قرار ݙیندے آکھیے مقامی صنعت کوں لیول پلےانگ فیلڈ دی فراہم?? یقینی بݨائی ونڄے۔اے ڳالھ انہاں آپݨی صدارت اچ برآمدات سہولت سکیم (ای ایف ایس ) دے حوالے نال جائزہ اجلاس اچ کیتے ۔ اجلاس اچ وفاقی وزرا احسن اقبال، احد خان چیمہ، محمد اورنگزیب، علی پرویز ملک، ??رد??ر اویس خان لغاری، مشیر وزیرِاعظم سید توقیر شاہ، وزیرِاعظم دے کوارڈینیٹر رانا احسان افضل، چیئرمین ایف بی آر راشد محمود لنگڑیال اتے برآمدی صنعت توں تعلق رکھݨ آلی معروف شخصیات شرکت کیتی۔ اجلاس اچ برآمدات سہولت سکیم (ای ایف ایس) کوں مؤثر بݨاوݨ تے برآمدی شعبے دا ایں توں فیدہ یقینی بݨاوݨ سانڳے قائم کمیٹی دی عبوری سفارشات پیش کیتیاں ڳئن۔ وزیراعظم اجلاس توں خطاب کریندے آکھیے ملکی آمدݨ اچ برآمدات توں ودھارا حکومت دی اولین ترجیحات اچ شامل اے ۔برآمدی صنعتاں دے خام مال اتے مشینری دی درآمد تے سہولت سانڳے ایں سکیم کوں مزید مؤثر بݨاوݨ دے حوالے نال کمیٹی دی سفارشات تے شعبے دے ماہرین توں مزید مشاورت یقینی بݨائی ویسی۔ وزیرِاعظم ہدایت کیتی جو کمیٹی مزید مشاورت توں عبوری سفارشات کوں حتمی شکل ݙے تے رپورٹ وختی پیش کرے ۔ انہاں آندے بجٹ دی تیاری اچ صنعتاں تے کاروباری تنظیماں نال مشاورت تے انہاں دی تجویزاں کوں بجٹ اچ شامل کرݨ دی ہدایت کیتی ۔ وزیرِاعظم حکم ݙتے جو مقامی صنعت کوں لیول پلے انگ فیلڈ ݙیوݨ یقینی بݨائی ونڄے۔ اجلاس اچ ݙسایا ڳئے جو پیداواری لاڳت کوں گھٹ کرݨ تے ملکی برآمدات دی عالمی منڈیاں اچ مسابقت سانڳے ایں سکیم دا اجراء کیتا ڳیا ہئی۔
.jpg)
