لاہور ۔31مارچ (اے پی پی) وزیراعظم محمد شہباز شریف عید الفطر دے موقع تے ملائیشیا دے وزیراعظم داتو سری انور ابراہیم نال ٹیل??فو??ک رابطہ کرتے انور ابراہیم اتے ملائیشیا د?? بھرا قوم کوں عید الفطر دے موقع تے مبارخ ݙتی ۔ وزیراعظم دفتر دے میڈیا ونگ ??وج?? ایں موقع تے ڳالھ مہاڑ کریندے وزیر اعظم محمد شہباز شریف گزریل اکتوبر اچ ملائیشیا دے وزیراعظم دے دورہ پاکستان دا حوالہ ݙیندے ݙوپاسے تعلقات دی مثبت پیشرفت تے اطمینان دا اظہار کیتے تے ملائیشیا نال ݙوپاسے تعاون کوں تکڑا کرݨ دی خواہش دا اعادہ کیتے ۔وزیراعظم انورابراہیم اڄوکے سال مئی اچ وزیراعظم محمد شہباز شریف دے کوالالمپور دے متوقع دورے دی پاکستان تے ملائیشیا دے ݙو طرفہ تعلقات دے ضمن اچ اہمیت تے زور ݙتے۔ انہاں آکھئے دورے دی کامیابی یقینی بݨاوݨ سانڳے تیاریاں جاری ہن ۔وزیراعظم محمد شہباز شریف اپݨے ملائیشین ہم منصب دا شکریہ ادا کریندے آکھئے او اڄوکے سال ملائیشیا دورے دے منتظر ہن تے امید ظاہر کیتی جو اے دورہ ݙوہیں ملکاں سانڳے مفید ثابت تھیسی ۔ ایں موقع تے ملائیشیا دے وزیراعظم سابق وزیراعظم محمد نواز شریف نال ٹیلی فون تے مختصر ڳالھ مہاڑ وی کیتی تے ھک ݙوجھے کوں عید دی مبارخ ݙیندے نیک خواہشات دا تبادلہ کیتے۔
