اسلام آباد – 05 – ڊسمبر (اي پي پي) وزيراعظم محمد شهباز شريف چيو آهي ته ڪرڪيٽ هڪ گڏيل جذبو آهي جيڪو پاڪستان ۽ انگيلنڊ ٻنهي ملڪن جي وچ ۾ ويجهي لاڳاپن کي مضبوط ڪري ٿو. پنهنجي ٽوئيٽ ۾ هن چيو ته اڄ شام وزيراعظم هائوس ۾ انگلينڊ ۽ پاڪستان جي ڪرڪيٽ ٽيمن جي ميزباني ڪرڻ تمام سٺو رهيو. هن چيو ته ڪرڪيٽ هڪ گڏيل جذبو آهي جيڪو اسان جي ٻنهي ملڪن کي ويجهي رشتي ۾ ڳنڍي ٿو. هن پهرين ٽيسٽ کٽڻ تي انگلينڊ ڪرڪيٽ ٽيم کي مبارڪباد ڏيندي چيو ته هقيقي فاتح شاندار راند هئي.
