اسلام آباد 30 اګست (اے پي پي) د ټاكنو كمېسون صدارتي ټاكنو لپاره د كانديدانو حتمي فهرست اعلان كړے۔ د ټاكنو كمېسون د زيارت په ورځ د جاري كړې شوې اعلاميې له مخې د اسلامي جمهوريه پاكستان د آئين دوېم شېډول د پېراګراف لمبر 5 له مخې چيف الېكشن كمشنر/ ريټرنګ آفسر د اولس مشر انتخاب لپاره د نامو اعلان كړې چې په كښې اعتزاز احسن، عارف الرحمٰن علوی او فضل الرحمن شامل دي۔ د يادونې وړ ده كمېسون د شورو په ورځ د نامزدګۍ كاغذونو د جان پړتال نه پس د نامزدګۍ كاغذونه بېرته اخستو لپاره د زيارت ورځې تر دولسو بجو وخت وركړے ؤ او د دغې نه پس ئې حتمي فهرست جاري كړو چې له مخې ئې د تحريك انصاف او اتحادي ګوندونو كانديد ډاكټر عارف علوی، د پیپلزكانديد اعتزاز احسن او د اېم اېم اے او مسلم لیګ (ن) پشمول د مخالفې ډلې د نورو ګوندونو شريك كانديد د مولانا فضل الرحمن ترمېنځه به مقابله كېږي۔ د اولس مشر ټاكنو لپاره
