پلاوې به د آذر بائيجان 100 كلنو دستورو كښې ګډون ٬ اولس مشر ٬ وزيرانو او نورو عهدېدارانو سره ملاقاتونه كوي
اسلام آباد ۔ 19ستمبر (اے پی پی) دسېنېټ چيئرمېن محمد صادق سنجراني په مشرۍ كښې 4 كسيزه پارلماني پلاوې د اسلام آباد هوائي مېدان څخه د آذربائیجان په دوره روان شو۔ د سېنېټ پلاوي ته د آذربائیجان پارلېمنټ چيئرمېن د پارلېمنټ په 100 كلنو دستورو كښې د ګډون كولو بلنه وركړې ده۔ پلاوې به د خپلې دورې په مهال به د آذربائیجان اولس مشر او وزيراعظم سره هم ملاقاتونه كوي۔ دغسې نورو اعلی حكومتي عهدېدارانو او پارلماني مشرانو سره ملاقاتونه هم دوره كښې شامل دي۔ د سېنېټ چيئرمېن خپلو خبرو كښې ووئيل چې پاكستان او آذربائیجان يو بل سره د ملګرتيا اړيكې لري او د پارلماني پلاوي تګ راتګ سره به دوه اړخيزه رابطې لا وده ومومي۔ پلاوي كښې د ايوان مشر ٬ سناتور سردار محمد اعظم خان موسی خېل ٬ محمد ايوب آفريدې او نګهت مرزا شامل ده۔
