اسلام آباد – 20 – آڪٽوبر (اي پي پي) صدر ڊاڪٽر عارف علوي ايڊووڪيٽ جنرل (شرط ۽ ضابطا) ترميمي آرڊر 2022ع تي صحيحون ڪري ڇڏيون. ايوان صدر جي پريس ونگ پاران جاري بيان موجب آرڊر تحت ايڊووڪيٽ جنرل آفيس اسلام آباد ۾ لاء آفيسرن جي مقرري ممڪن ٿي سگهندي. لاء آفيسر ايڊووڪيٽ جنرل کي پنهنجا فرض سرانجام ڏيڻ ۾ معاونت فراهم ڪندا. آفيسرن جي مقرري گهرو ۽ قانون ۽ انصاف واري ڊويزنن جي وچ ۾ مشاورت سان ڪئي ويندي. ترميمي آرڊر جي ذريعي 2015ع جي صدر جي آرڊر نمبر هڪ ۾ ترميم ڪئي وئي آهي. صدر ترميمي آرڊر جي منظوري وزيراعظم جي مشوري تي ڏني آهي.
